Tuesday, June 22, 2010

തൊടുപുഴയ്ക്ക് എങ്ങിനെ എത്തിച്ചേരാം




ഹരീഷ് തൊടുപുഴ


കഴിഞ്ഞ വര്‍ഷത്തെ രണ്ട് മീറ്റുകളില്‍ പങ്കെടുക്കുവാനും ആയത് ഓര്‍ഗനൈസ് ചെയ്തു വിജയിപ്പിക്കുവാനും സാധിച്ചതിലുള്ള സന്തോഷവും കൃതജ്ഞതയും ഈ നിമിഷം നിങ്ങളൂടെ ഓര്‍മ്മയില്‍പ്പെടുത്തട്ടെ. കഴിഞ്ഞ വര്‍ഷത്തെ അപേക്ഷിച്ച് ഈ വര്‍ഷം സീനിയര്‍ ബ്ലോഗേര്‍സിന്റെ സാന്നിദ്ധ്യം തുലോം കുറവാണെങ്കിലും; പുതു രക്തങ്ങളുടെ ആവേശം മീറ്റിന്റെ അണിയറപ്രവര്‍ത്തനങ്ങളീല്‍ വളരെയേറെ ഉന്മേഷം നല്‍കുന്നുണ്ട്.
കഴിഞ്ഞ വര്‍ഷത്തെ മീറ്റുകള്‍ ഇനിയും കാണാത്തവര്‍ക്കായി താഴെയുള്ള ലിങ്കുകള്‍ വഴി പോയി നോക്കി ആസ്വദിക്കാവുന്നതാണ്.

തൊടുപുഴ മീറ്റ്

ചെറായി മീറ്റ് പാര്‍ട്ട് 1

ചെറായി മീറ്റ് പാര്‍ട്ട് 2


ഇന്നിവിടെ നിങ്ങളുടെ ശ്രദ്ധയില്‍പ്പെടുത്താന്‍ ഉദ്ദേശിക്കുന്ന കുറച്ചു കാര്യങ്ങളാണു താഴെക്കൊടുത്തിരിക്കുന്നത്.

1. തൊടുപുഴയില്‍ എത്തിച്ചേരുന്ന വിധം
ഒട്ടേറെ പേര്‍ മെയിലിലും ചാറ്റിലുമായി വന്ന് ആവശ്യപ്പെട്ട ഒന്നാണ് തൊടുപുഴയില്‍ എങ്ങിനെയാണ് എത്തിച്ചേരുക എന്നത്. ഇടുക്കി ജില്ലയിലെ ഏറ്റവും വലിയ പട്ടണവും ഏക താലൂക്കുമാണു തൊടുപുഴ.
എര്‍ണാകുളം, കോട്ടയം ജില്ലകളോട് അതിര്‍ത്തി പങ്കിടുന്ന ടൌണ്‍ കൂടിയാണു തൊടുപുഴ. തൊടുപുഴയുടെ മുഖ്യമായ മികവ് എന്തെന്നാല്‍ കേരളത്തിലെ എവിടെ നിന്നും റോഡ് മാര്‍ഗ്ഗം എളുപ്പത്തില്‍ ഇവിടെ എത്തിച്ചേരാന്‍ കഴിയും എന്നതു തന്നെയാണ്.
മുകളിലുള്ള മാപ്പില്‍ നിന്നും ഒരേകദേശധാരണ എത്തിച്ചേരാനുള്ള വഴികളേപ്പറ്റി കിട്ടിക്കാണുമെന്നു വിശ്വസിക്കട്ടെ. മീറ്റ് നടത്തുവാനുദ്ദേശിക്കുന്ന സ്ഥലത്തേക്ക് (ജ്യോതിസ് ആഡിറ്റോറിയം, മണക്കാട്) ടൌണില്‍ നിന്നും 2 കിമീയാണുള്ളത്. ഇവിടേയ്ക്ക് ബസ്സ് മാര്‍ഗ്ഗം അല്ലെങ്കില്‍ ആട്ടോ മാര്‍ഗ്ഗം എത്തിച്ചേരാവുന്നതാണു. ബസ്സിനു മിനിമം ചാര്‍ജായിരിക്കും. ആട്ടോയ്ക്ക് ഇരുപതു രൂപ. ട്രിപ്പ് ആട്ടോകള്‍ സുലഭമാണീ വഴിക്ക്. ആയതിനു ഒരാള്‍ക്ക് അഞ്ചു രൂപയേ ആകുകയുള്ളൂ. പക്ഷേ, മീറ്റ് നടക്കുന്ന ദിവസം ഒരു ഞായറാഴ്ചയായതിനാല്‍ ട്രിപ്പ് ആട്ടോകള്‍ കുറവായിരിക്കുവാന്‍ സാദ്ധ്യതയുണ്ട്.
മീറ്റിന്റെ അന്നേ ദിവസം രാവിലെ പരിമിതമായ കാലയളവില്‍; ടൌണില്‍ നിന്നും ടി.മീറ്റ് നടക്കുന്ന സ്ഥലത്ത് എത്തിച്ചേരുവാന്‍ ഗതാഗത സൌകര്യം ഒരുക്കുന്നതായിരിക്കും. ആയത് പ്രയോജനപ്പെടുത്തുവാന്‍ എല്ലാ സുഹൃത്തുക്കളോടും അഭ്യര്‍ത്ഥിക്കുന്നു. എവിടെ നിന്ന്, എങ്ങിനെ എന്നുള്ള വിശദാംശങ്ങള്‍ മീറ്റിനോടനുബന്ധിച്ചുള്ള നാളുകളില്‍ അറിയിക്കുന്നതായിരിക്കും. തുടര്‍ന്നുള്ള പോസ്റ്റുകള്‍ ശ്രദ്ധിക്കുവാന്‍ എല്ലാ സുഹൃത്തുക്കളോടും അഭ്യര്‍ത്ഥിക്കുന്നു.

വടക്കുഭാഗത്ത് നിന്നും വരുന്നവര്‍ക്ക് ഏറ്റവും അടുത്ത റെയില്‍വേ സ്റ്റേഷന്‍ അങ്കമാലിയായിരിക്കും. തെക്കുഭാഗത്തു നിന്നുള്ളവര്‍ക്ക് കോട്ടയവും. കോട്ടയത്തു നിന്നും റോഡ് മാര്‍ഗ്ഗം 55 കിമീ സഞ്ചരിച്ചാല്‍ തൊടുപുഴയിലെത്തിച്ചേരാം. ഏകദേശം 2 മണിക്കൂര്‍ യാത്ര. എര്‍ണാകുളത്തു നിന്നും 55 കിമീ. ആലുവായില്‍ നിന്നും 55 കിമീ. ഏര്‍ണാകുളത്തു നിന്നും, കോട്ടയത്തുനിന്നും, ത്രിശ്ശൂരു നിന്നും 20 മിനിട്ട് ഇടവിട്ട് തൊടുപുഴയ്ക്ക് കെ.എസ്.ആര്‍.റ്റി.സി യുടെ ചെയിന്‍ ഫാസ്റ്റ് സെര്‍വീസ് ഉണ്ട്. ത്രിശ്ശൂരു നിന്നും 100 കിമി. കോഴിക്കോട് നിന്നും 210 കിമീ. തിരുവനന്തപുരത്തു നിന്നും 210 കിമീ. നെടുംമ്പാശ്ശേരി എയര്‍ പോര്‍ട്ട് 50 കിമീ. ഇനിയും വഴികളെ പറ്റി കൂടുതലായി അറിയേണ്ടവര്‍ക്ക് എന്റെ മൊബൈല്‍ നമ്പറിലോ, മെയില്‍ ഐ ഡി യിലോ ബന്ധപ്പെടാവുന്നതാണ്.

2. എത്രപേര്‍ പങ്കെടുക്കുന്നു??
മീറ്റിന്റെ ഈറ്റ് ഇനം പൂര്‍ണ്ണതയിലെത്തണമെങ്കില്‍; പങ്കെടുക്കാന്‍ ഉദ്ദേശിച്ച ഓരോരുത്തരും അവരുടെ കൂടെ എത്രപേര്‍ (കുടുംബാംഗങ്ങളോ കൂട്ടുകാരോ) കൂടി ടി.മീറ്റില്‍ പങ്കെടുക്കുവാന്‍ ഉദ്ദേശിക്കുന്നുണ്ട് എന്നത് വ്യക്തമാക്കേണ്ടതാണ്. ഇത് ഉറപ്പായും ഞങ്ങളെ അറിയിക്കേണ്ട ഒരു കാര്യമാകുന്നു. ആയതിനുള്ള അവസാന തീയതി ജൂലൈ 31 എന്നു നിജപ്പെടുത്തിയിരിക്കുന്നു. ആ തീയതിക്കു മുന്‍പേ ഇവിടെ അറിയിക്കാതിരിക്കുന്നവരുടെ എണ്ണം പരിഗണിക്കുന്നതല്ലാ എന്നുള്ള കാര്യം സുപ്രധാനമായ ഒരു അറിയിപ്പായി എടുക്കുവാന്‍ താല്പര്യപ്പെടുന്നു.

3. ഇ-മെയില്‍ ഐ ഡി
ടി.മീറ്റിനു പങ്കെടുക്കുവാന്‍ ഉദ്ദേശിക്കുന്ന മുഴുവന്‍ ബ്ലോഗേര്‍സും തങ്ങളുടെ ഇ-മെയില്‍ ഐ ഡി ഈ പോസ്റ്റില്‍ ഒരു കമന്റായിട്ടിടുകയോ അല്ലെങ്കില്‍ എന്റെയോ പാവപ്പെട്ടവന്റെയോ മെയിലിലേക്ക് അയക്കുകയോ ചെയ്യുവാന്‍ നിര്‍ബന്ധമായും താല്പര്യപ്പെടുന്നു. കാരണം; തുടര്‍ന്ന് മീറ്റുമായുള്ള എല്ലാ വിധ അപ്ഡേഷന്‍സും ആ മെയിലുകളിലൂടെ നിങ്ങളെ അറിയിക്കുവാനാണത്. എല്ലാവരും സഹകരിക്കുവാന്‍ താല്പര്യപ്പെടുന്നു.

4. തലേ ദിവസം എത്തിച്ചേരാനുദ്ദേശിക്കുന്നവര്‍ക്കായി
തലേദിവസം എത്തിച്ചേരാനുദ്ദേശിക്കുന്നവര്‍ക്ക് താമസസൌകര്യത്തിനു റൂമുകള്‍ ആവശ്യമുണ്ടെങ്കില്‍ ഈ ജൂണ്‍ 30 നു മുന്‍പു നിര്‍ബന്ധമായും അറിയിക്കുവാന്‍ താല്പര്യപ്പെടുന്നു. കാരണം സിനിമാക്കാരുടെ കുത്തൊഴുക്ക് തൊടുപുഴയെ കേന്ദ്രീകരിച്ചു തുടങ്ങിയതില്‍ പിന്നെ റൂമുകള്‍ ലഭിക്കാന്‍ ബുദ്ധിമുട്ടായിത്തുടങ്ങിയിട്ടുണ്ട്.


തുടര്‍ന്നുള്ള വിശദാംശങ്ങള്‍ മീറ്റിനോടനുബന്ധിച്ചുള്ള പോസ്റ്റുകളില്‍ അറിയിക്കുന്നതായിരിക്കും..

പാവപ്പെട്ടവന്‍ - chalakodan@gmail.com
ഹരീഷ് തൊടുപുഴ - pdhareesh@gmail.com (Mobile No: 9447302370)

ഹരീഷിന്‍റെ ബ്ലോഗില്‍ കമന്‍റുകള്‍ രേഖപ്പെടുത്തുക.

Sunday, June 13, 2010

രക്തസാക്ഷികളാണേ സത്യം

സുഹൃത്തുക്കളെ
തൊടുപുഴമീറ്റും അതുമായി ബന്ധപ്പെട്ടു ബ്ലോഗ്ഗുലോകത്ത് ഇപ്പോള്‍ നടക്കുന്ന കോലാഹാലങ്ങള്‍ തികച്ചും വേദനാജനകമാണ് . ബ്ലോഗിന്റെ രംഗത്തുള്ളവര്‍ ഒന്നുകൂടിചേരുന്നത്‌ ഇത്രവലിയ കുറ്റമാണോ? ഒരു മീറ്റും അതുമായി ബന്ധപ്പെട്ട് രൂപം കൊണ്ട നിരവധി ബ്ലോഗുകളും, ആ ബ്ലോഗുകള്‍ പ്രചരിപ്പിക്കുന്ന നിലവാരമില്ലാത്ത തര്‍ക്കങ്ങളും തെറിവിളികളും നാള്‍ക്കുനാള്‍ വര്‍ദ്ധിച്ചു വരുകയാണ് . പ്രസ്തുത ഒത്തുചേരലിന് രണ്ടുമാസക്കാലം പോലും ഇല്ലാത്ത ഈ സന്ദര്‍ഭത്തില്‍ കുറേപേര്‍ ഒളിഞ്ഞിരുന്നു നടത്തുന്ന അക്രമങ്ങളില്‍ കുറച്ചുപ്പേരെങ്കിലും ആശങ്കപെടുന്നത് സ്വാഭാവികം മാത്രം . മീറ്റിന്റെ സുഖമമായ നടത്തിപ്പിനെ ഈ അക്രമങ്ങള്‍കൊണ്ട് ഒന്നും ചെയ്യാന്‍ കഴിയില്ല എന്ന സാമാന്യ ബോധമുള്ളവരല്ല ഇവരെന്ന് അറിയിമ്പോളാണ് ഇവരോട് നമുക്ക് സഹതാപം തോന്നുന്നത് . ഇത്തരം കൂടിച്ചേരലില്‍ ഇവര്‍ക്ക് ഒക്കെ എന്തോ നഷ്ടപ്പെടുന്നുണ്ട് അതുകൊണ്ടാണ് അവര്‍ അസഹിഷ്ണൂത കാണിക്കുന്നത് .എതിര്‍ അഭിപ്രായങ്ങള്‍ ഉണ്ടങ്കില്‍ അവ പൊതുവില്‍ പറയാനും അതിനുള്ള വേദിയില്‍ ചര്‍ച്ച ചെയ്യുവാന്‍ തയ്യാറാകണം .അല്ലാതെ ഒളിച്ചിരുന്ന് കല്ലെടുത്തെറിയുന്നത് വ്യക്തിത്വമില്ലായിമയാണ് തെളിയിക്കുന്നത് .ഒരു കാര്യം ഉറപ്പിച്ചു പറയാം മറ്റു അത്യാഹിതങ്ങള്‍ ഒന്നും സംഭവിച്ചില്ലങ്കില്‍ ഈ ലോകവും അവസാനിച്ചില്ലങ്കില്‍ ആഗസ്റ്റ്‌ എട്ടിന് തൊടുപുഴയില്‍ വരുന്ന മുഴുവന്‍ ബ്ലോഗേഴ്സും ഓര്‍മ്മയില്‍ സൂക്ഷിക്കാന്‍ നല്ലൊരു കൂട്ടായിമയുടെ അനുഭവവുമായി മടങ്ങും ..രക്തസാക്ഷികളാണേ സത്യം .......

Thursday, June 10, 2010

ആഗസ്റ്റ്‌ 8 തൊടുപുഴ

പലരും പലപ്പോഴായി പറയുന്നു മീറ്റിനു മാത്രമായി ഒരു ബ്ലോഗ്‌...അത് ഇവിടെ സാക്ഷാത്കരിക്കുന്നു.. ഇനി ചര്‍ച്ചകള്‍ ഇവിടെ ആക്കാം... എല്ലാ ബൂലോകരും അംഗങ്ങളാകൂ ....ഈ തൊടുപുഴ മീറ്റ് വന്‍ വിജയമാക്കൂ...

അപ്പോള്‍ ആഗസ്റ്റ്‌ 8 തൊടുപുഴ

www.pavapettavan.com

അപ്പോള്‍ പ്രിയപ്പെട്ടവരേ ആഗസ്റ്റ് 8 നു ഞായറാഴ്ച തൊടുപുഴ വെച്ചാണ് ഈ വര്‍ഷത്തെ നമ്മുടെ കൂടിച്ചേരല്‍ നടക്കുന്നത് ....മീറ്റിന്‍റെ സുഖകരമായ നടത്തിപ്പിന് വേണ്ടുന്ന പിന്തുണ ഹരീഷ് തൊടുപുഴ ഉറപ്പുനല്‍കിയ സാഹചര്യത്തില്‍ ഒരുക്കങ്ങള്‍ക്ക് തുടക്കമായി എന്ന് അറിയിക്കട്ടെ ...

തൊടുപുഴക്കടുത്ത് ഹരീഷിന്റെ വീടിനടുത്തുള്ള ‘ജ്യോതിസ്’ എന്ന ഹാളിലായിരിക്കും (2 കിമീ ഫ്രം തൊടുപുഴ ടൌണ്‍) ഈ സൌഹൃദ സമ്മേളനം നടത്തപ്പെടുക. ടൌണില്‍ നിന്നും ഈ ആഡിറ്റോറിയത്തിലെത്തിപ്പെടുവാനുള്ള സൌകര്യങ്ങള്‍ അറേഞ്ച് ചെയ്യുന്നതാണു. കൂടുതള്‍ വിശദാംശങ്ങള്‍ മീറ്റിനോടനുബന്ധിച്ചുള്ള ദിവസങ്ങളില്‍ അറിയിക്കുന്നതായിരിക്കും. തലേദിവസം എത്തിച്ചേരാനുദ്ദേശിക്കുന്നവര്‍ക്ക് റൂം ബുക്ക് ചെയ്യണമെങ്കില്‍ നേരത്തെ അറിയിക്കണമെന്ന് അഭ്യര്‍ത്ഥിക്കുന്നു.

ടി മീറ്റില്‍ സംബന്ധിക്കുവാന്‍ ഉറപ്പു നല്‍കിയിയിരിക്കുന്നവരും, വരമ്പത്തു നില്‍ക്കുന്നവരും..:)
1. മനോരാജ്
2. ജയരാജ്
3. ജോ
4. സജി മാര്‍ക്കോസ് (ഹിമാലയച്ചായന്‍ !!)
5. ചാണക്യന്‍
6. അനില്‍ ബ്ലോഗ്
7. ലതികാ സുഭാഷ്
8. സതീഷ് പൊറാടത്ത്
9. ഹരീഷ് തൊടുപുഴ
10. പാവപ്പെട്ടവന്‍
11. പാവത്താന്‍
12. ശിവാ
13. സരിജ
14. കൂതറ ഹാഷിം
15. ഹൻല്ലലത്ത്
16. സുനിൽ കൃഷ്ണൻ
17. പ്രയാൺ
18. എഴുത്തുകാരി
19. കാന്താരിക്കുട്ടി
20. നന്ദകുമാർ
21. പൊങ്ങുമ്മൂടൻ
22. അപ്പൂട്ടൻ
23. മിക്കി മാത്യൂ
24. നാട്ടുകാരൻ
25. കൊട്ടോട്ടിക്കാരൻ
26. എൻ.ബി.സുരേഷ്
27. മുരളിക
28. ശങ്കെർ
29. നാസ്
30. ഡോക്ടർ
31. ലെക്ഷ്മി ലെച്ചു
32. യൂസുഫ്പാ
33. സോജന്‍
34. ഷെറീഫ്ഫ് കൊട്ടാരക്കര
35. നിരക്ഷരൻ (?)
36. ശ്രീ (?)
37. കുമാരൻ (?)
38. ജിക്കു (?)
39. ബോൺസ് (?)
40. ജയൻ ഏവൂർ (?)
41. വേദ വ്യാസൻ (?)
42. ചിത്രകാരൻ (?)
43. സന്ദീപ് സലിം (?)
44. നൌഷാദ് വടക്കേൽ (?)
45. ഷിജു (?)
46. ചാണ്ടിക്കുഞ്ഞ്
47. ധനേഷ്
48. തണല്‍(ഇസ്മായില്‍ കുറുമ്പടി) (?)
(ആരുടെയെങ്കിലും പേരു വിട്ടു പോയിട്ടുണ്ടെങ്കിൽ കമന്റായി അറിയിക്കുവാൻ അഭ്യർത്ഥിക്കുന്നു)

www.pavapettavan.com
Posted by പാവപ്പെട്ടവന്‍ at Sunday, May 16, 2010
Labels: സമ്മേളനം
32 comments:

ചാണ്ടിക്കുഞ്ഞ് 16 May, 2010 21:57

ആദ്യവെടി ഞാന്‍ തന്നെ വച്ചു....
ഹരീഷ് തൊടുപുഴ 16 May, 2010 22:05

track
krishnakumar513 16 May, 2010 22:08

ഞാനും ഉണ്ടാകും കേട്ടോ!!
ഹരീഷ് തൊടുപുഴ 16 May, 2010 23:58

http://picasaweb.google.co.in/lh/photo/cYyrykC8AdzEquiwRdOY-A?feat=directlink

മുകളിലുള്ള ലിങ്കിലൂടെ പോയാൽ പ്രസ്തുത മീറ്റ് നടത്താനുദ്ദേശിക്കുന്ന ആഡിറ്റോറിയം കാണാവുന്നതാണ്..
ബിലാത്തിപട്ടണം / BILATTHIPATTANAM. 17 May, 2010 00:05

ബ്രിട്ടൻ മല്ലുബ്ലോഗ്ഗേഴ്സിന്റെ പ്രതിനിധികളായി വിഷ്ണുവും,ചിലപ്പോൾ വേറെ മൂന്നുപേരും കൂടി ഉണ്ടാകും കേട്ടൊ..മാഷെ
ഹരീഷ് തൊടുപുഴ 17 May, 2010 00:17

@ ബിലാത്തി പട്ടണം..

മാഷേ; ആ ദിവസങ്ങൾ അടുക്കുമ്പോഴേക്കും കൺഫേം പറയാമല്ലോ അല്ലെ..
എത്രപേരുണ്ടാവുമെന്നു..
നജിം കൊച്ചുകലുങ്ക് 17 May, 2010 01:01

അപ്രതീക്ഷിത കാരണങ്ങളാല്‍ സെപ്തംബര്‍ ആദ്യവാരത്തിലേക്ക് യാത്ര നീട്ടിയതിനാല്‍ ഒരു ബ്ലോഗേഴ്സ് മീറ്റില്‍ പങ്കെടുക്കാനുള്ള മോഹം മുളയിലെ നുള്ളപ്പെടുമെന്ന് ആശങ്ക. ഓഗസ്റ്റ് 8 എന്നത് സെപ്തംബര്‍ 8 എന്നാക്കിയാല്‍ ലോകത്തിന് ഒന്നും സംഭവിക്കില്ലെങ്കില്‍ പിന്നെന്താ...?
ചാര്‍ളി[ Cha R Li ] 17 May, 2010 01:42

വരമ്പത്തു നില്‍ക്കുന്ന ഒരാള്‍ കൂടി ഉണ്ടേ..
"ഹി ഹി...താനാരാ എന്നോ..?"
കഴിഞ്ഞ തൊടുപുഴ മീറ്റിനു വന്നു ഫുഡടിച്ചു പോയ ഒരു അജ്ഞാതനെ ഓര്‍മ്മയില്ലേ..
ഇത്തവണ അതിനു പകരം ഞാന്‍ !!!
Anonymous 17 May, 2010 04:13

എന്റെ പേരു sure list ലോ? ഞാനെപ്പഴാ അതു പറഞ്ഞതു്, അല്ല ഇനി പറഞ്ഞോ?
Typist | എഴുത്തുകാരി 17 May, 2010 04:16

മുകളിലത്തെ അനോണി ഞാനാണേ. അതെന്താ അങ്ങനെ വന്നതു്, എന്റെ ഐഡിയില്‍ നിന്നു തന്നെയാണല്ലോ കമെന്റിട്ടതു്.
നിരക്ഷരന്‍ 17 May, 2010 04:58

ജൂലായ് 15 എങ്കിലും ആകാതെ എനിക്കൊന്നും ഉറപ്പിച്ച് പറയാനാവില്ല. നാട്ടിലുണ്ടെങ്കില്‍ വന്നിരിക്കും.
ജിക്കു|Jikku 17 May, 2010 07:03

ഹഹ ഇത് കൊള്ളാം ..വരമ്പത്ത് നില്‍ക്കുന്നവരും പാടത് നില്‍ക്കുന്നവരും..ഇഷ്ട്ടപെട്ടു ഈ സെറ്റ് -അപ്പ് .പിന്നെ എന്റെ കാര്യം കൈയ്യാല പുറത്തെ തേങ്ങ പോലയാണ് ,കോളജില്‍ അഡ്മിഷന്‍ കിട്ടുന്നത് അനുസരിച്ച് ഞാന്‍ വരാന്‍ ശ്രമിക്കാം ,കോളജിന്റെ സാമിപ്യം എങ്ങനെയിരിക്കും എന്ന് പറയാന്‍ പറ്റില്ല..അന്തിമ തീരുമാനം ഇത് വരെ ആയിട്ടില്ല..ക്ഷമിക്കണം..ഹരീഷ് മാഷിനോട് പറഞ്ഞപ്പോ അവസാനം എന്റെ കാര്യം അറിയിച്ചാല്‍ മതിയെന്ന് പറഞ്ഞു.ആനുകൂല്യം നല്‍കിയ ഹരീഷ് മാഷിനുനന്ദി .അപ്പൊ തീരുമാനം എടുക്കുമ്പോള്‍ അറിയിക്കാം ,
മീറ്റിനു എന്റെ ആശംസകള്‍ ,ഈറ്റിനും.
Manoraj 17 May, 2010 08:08

ഞാൻ പണ്ടേ റെഡി.. ഇനി അലക്കുലത്തൊന്നും വന്ന് പെടാതിരുന്നാൽ മതി..
രഘുനാഥന്‍ 17 May, 2010 21:15

മീറ്റാന്‍ എനിക്കും താത്പര്യമുണ്ട്...
എന്‍.ബി.സുരേഷ് 17 May, 2010 22:21

മീറ്റിന്റെ സമയം പറഞ്ഞില്ല. അന്നു വരണോ തലേന്നാള്‍ വരണോ എന്ന് തീരുമാണിക്കണ്ടേ
പുനലൂരില്‍ നിന്നും എത്താനുള്ളതാണെന്നോര്‍ക്കണം
വീ കെ 17 May, 2010 23:48

ഞാനിപ്പോൾ നാട്ടിലുണ്ടെങ്കിലും ആഗസ്റ്റ് വരെ കാണുമോന്ന് പറയാനാവില്ല..
ഉണ്ടായാൽ തീർച്ചയായും വന്നിരിക്കും...
»¦ മുഖ്‌താര്‍ ¦ udarampoyil ¦« 18 May, 2010 08:52

ആഗസ്റ്റിലാണെങ്കില്‍..
ഞാനുമുണ്ടാവും..

അറബിയോട് പറഞ്ഞിട്ടുണ്ട്..
മീറ്റിന്റെ കാര്യം..
പൊയ്ക്കോന്നും പറഞ്ഞിട്ടുണ്ട്..
മൂപ്പര്‍ വാക്കു പാലിച്ചാല്‍
ഒരു കസേര എനിക്കും..

അല്ല ഈ മീറ്റില്‍ ഏന്തൊക്കെയാ നടക്കാ..
അപ്പൂട്ടന്‍ 18 May, 2010 21:45

അല്ല മാഷേ, അവസാനം ഞാനും ഒരു ക്യാമറയൊക്കെ ഒപ്പിച്ചെടുത്തിട്ടുണ്ടേ...കഴിഞ്ഞ മീറ്റിൽ പല ലവന്മാരും ക്യാമറയും തൂക്കി ഗമയിൽ നടക്കുന്നതുകണ്ട്‌ ..... ഹൊ, എന്റെ ആരോഗ്യം (മറ്റുള്ളവരുടേം, പ്രത്യേകിച്ച്‌ ഹരീഷിന്റെ) കാരണം ക്യാമറകൾ രക്ഷപ്പെട്ടു.
ഇത്തവണ വന്ന് മൂന്നാല്‌ ഫോട്ടം പിടിക്കണംന്ന്ണ്ട്‌. ഈ ഹാളിന്റെ ചുറ്റുവട്ടത്തെങ്ങാനും പ്രകൃതിയും രമണിയും ഉണ്ടോ?

മുഖ്‌താർ,
ബോറടിക്കില്ല്യ, നിശ്ശം. പിന്നെ ആൾക്കാരെ പരിചയപ്പെട്ടുവരുമ്പോഴേയ്ക്കും തന്നെ "കോട്ടയം ഭാഗത്തേയ്ക്ക്‌ പോകേണ്ടവർ ഹാളിന്റെ തെക്കുവശത്തുള്ള വാഹനത്തിൽ ചാടിക്കയറി സീറ്റ്‌ ഒപ്പിച്ചെടുക്കേണ്ടതാണ്‌" എന്ന അറിയിപ്പ്‌ വന്നുകഴിഞ്ഞിരിക്കും.
തെച്ചിക്കോടന്‍ 19 May, 2010 00:33

ആ സമയത്ത് നാട്ടില്‍ വരാന്‍ നോക്കുന്നുണ്ട്, ശരിയായാല്‍ ഞാനും ഉണ്ടാവും!
പാവപ്പെട്ടവന്‍ 19 May, 2010 09:08

തൊടുപുഴ ബ്ലോഗ്ഗ് മീറ്റിന്‍റെ ദിവസങ്ങള്‍ അടുത്ത് തുടങ്ങുന്നു പങ്കെടുക്കും എന്ന് പറഞ്ഞവരുടെ കണക്കു ഇവിടെയും വന്നില്ല
ഒഴാക്കന്‍. 19 May, 2010 10:11

ഒഴാക്കന്‍ ആ വരമ്പത്ത് കാരുടെ ക്കൂടയുണ്ടേ
കൊച്ചുതെമ്മാടി 23 May, 2010 00:59

ഞാനും വരും..... കൂടെ കൂട്ടൂലേ?
Vellayani Vijayan/വെള്ളായണിവിജയന്‍ 23 May, 2010 17:40

ഞാനുമുണ്ടേ....ഹാജര്‍ വച്ചിരിക്കുന്നു.
വെള്ളായണി വിജയന്‍
suraj::സൂരജ് 26 May, 2010 12:25

വരാന്‍ ആഗ്രഹമുണ്ട്. വരാന്‍ ശ്രമിക്കും. മുന്‍‌കൂര്‍ ആശംസകള്‍ !
പ്രവീണ്‍ വട്ടപ്പറമ്പത്ത് 01 June, 2010 08:03

ഞാനും
കിഴക്കന്‍ 03 June, 2010 19:19

ഞാനും കൂടി ശ്രമിക്കട്ടെ...
നിരക്ഷരന്‍ 03 June, 2010 19:24

പാവപ്പെട്ടവന്‍ - ഞാന്‍ പങ്കെടുക്കാനുള്ള സാദ്ധ്യതകള്‍ മങ്ങി. കഴിണ മാസം 24ന് നാട്ടിലെത്തേണ്ട ഞാന്‍ ഈ മാസം 5ന് രാവിലെയേ എത്തുന്നുള്ളൂ. അത് എന്റെ അടുത്ത ലീവിനേയും ബാധിക്കും. 11 ദിവസം വൈകിയേ അടുത്ത പ്രാവശ്യം നാട്ടിലെത്തൂ. എന്നുവെച്ചാല്‍ ജൂലായ് അവസാനം എത്തേണ്ടിയിരുന്ന ഞാന്‍ ആഗസ്റ്റ് 12 ആകാത്തെ എത്തില്ല. ഇനി വല്ല മഹാത്ഭുതവും നടന്നാലല്ലാതെ മീറ്റില്‍ പങ്കെടുക്കാന്‍ എനിക്ക് പറ്റുമെന്ന് തോന്നുന്നില്ല :(
K M Dileep 04 June, 2010 21:17

വരമ്പത്ത് ഞാനുമുണ്ടേ....
DK Muvattupuzha 04 June, 2010 21:19

വരമ്പത്ത് ഞാനുമുണ്ടേ....
ഒറ്റവരി രാമന്‍ 05 June, 2010 07:40

May i come in- alla Vannootte!?
സാബിറ സിദീഖ്‌ 07 June, 2010 16:30

njanilla karanam tikettinipo nalla kashaney
അഭിജിത്ത് മടിക്കുന്ന് 07 June, 2010 22:55

ഞാന്‍ കൈയ്യാലയിലാ...
മാക്സിമം ശ്രമിക്കാം..